Florante at Laura/Kabanata 1/Paliwanag

Mula sa Wikibooks
Tumalon sa: paglilibot, paghahanap
Mga tauhan at tagpuan Pag-aalay kay Selya
(Paliwanag)

Sa Babasa Nito
Paliwanag

Buod

Pag-aalala kay Celia baka nakalimot

Sa mga unang saknong, itinatanong ni Balagtas kung nasaan na ang kanyang Ceciliang dating minamahal. Ipinag-aalala niya rin kung baka nakalimot na si Selya sa kanilang pag-iibigan. Ang pagkalimot na ito, ayon kay Balagtas, ay ang ikinalubog ng kanyang kapalaran sa lubhang kalungkutan. Pero iginigiit naman ni Balagtas na hindi niya nakalimutan ang pagmamahalang iyon.

Lumipas na ang mga araw na iyon, ang natira na lamang sa kanyang puso ay ang pag-ibig kay Selyang iniaako ni Balagtas na mananatili habang siya ay buhay pa.

Kalagayan ni Balagtas

Dahil inaakala ni Balagtas na nakalimot na si Selya, siya ngayon ay nangungulila, nangungulila sa pagmamahal, at nagdurusa. At para maibsan ito, inaaliw niya ang kanyang sarili sa pag-alala ng kanilang nakaraan, at sa pag-alala pa lamang niya sa mukha ni Selya, siya na ay nagiginhawaan.

Kanyang inaalala ay ang larawan ni Celia kanyang iginuhit na ayon sa kanya, ang kanyang tanging naiiwang pampag-alala kay Selya, at nililigawan ito sa ilog na makati.

Inaalala niya ang kanilang pinagpasiyalan noong sila ay magkasintahan pa, at nang si Selya ay nagkasakit. Ito ang ilog ng Beata at Hilom, at ang puno ng manggang hangad na pitasan ni Selya. Isa pa sa kanyang inaalala ang ang dagat na kanilang pinagliliguan dati, na, ayon kay Balagtas, kanilang inaagapan upang hindi abutan ng alat ng dagat.

Hinahanap niya si Celia, ang kanilang pagmamahalan, lahat ito ay wala na sa kanya. Lahat ito ay lubha niyang ikinalulungkot.

Sa bandang hulihan ng kabanata, ipinag-aalala naman ni Balagtas na baka nalulungkot ngayon si Selya, at para maibsan ito, dapat man lamang sana siyang alalahanin.

Kaugnayan sa totoong buhay ni Balagtas

Maiuugnay ang kabanatang ito sa buhay ni Balagtas. Ito ay dahil hango ito sa pagmamahalan nina Balagtas at Maria Asuncion Rivera, MAR o, ayon sa pagbansag sa kanya ni Balagtas, Selya. Sila ay nagtagpo sa Pandakan noong 1835, at silang dalawa ay naging malapit sa isa at isa. Ang pagmamahalang ito ay agad naudlot nang si MAR ay inagaw mula sa kanya ni Nanong Kapule, isang mayaman at makapangyarihang tao sa Pandakan. Ipinakulong siya ng mga magulang ni Kapule, at sa pagkawala niyang iyon, doon inagaw ni Kapule si MAR, at pinakasalan siya.