Wikijunior:Galantina

Sangkap

Galantina

1	buo	malaking manok (mga 1 ½ kilo)
2	tasa	ham, tinadtad
½	kilo	giniling na baboy, puro laman at walang taba ng baboy (gilingin ng 2 beses)
2	buo	nilagang itlog
6	piraso	olives, tinadtad (pwedeng wala)
1	kutsarita	asin
½	kutsarita	betsin
½	kutsarita	pamintang durog
¼	tasa	kinudkod na keso
¼	tasa	pickles (hiniwa ng pahaba sa gitna)
2	piraso	carrots, nilaga (hiniwa ng pahaba sa gitna)
1 ½	tasa	biskotso (bread crumbs)

Sarsa

2	kutsara	kinudkod na keso
1	kutsara	cornstarch
		Pinaghurhuhan ng manok

Paraan ng pagluto

Galantina

1. Linising maigi at maingat na alisin ang buto ng manok. Maaari itong ipagawa sa palengke.
2. Pahiran ng asin at paminta ang loob at labas ng manok.
3. Ilagay sa isang tabi.
4. Pagsamahin lahat ng sangkap maliban sa nilagang itlog, pickles at carrots.
5. Palamanan ang manok ng kalahati ng pinaghalong sangkap.
6. Ilagay sa gitna ang itlog, pickles at carrots ng manok at ilagay ang natirang sangkap.
7. Huwag masyadong punuin ang manok upang hindi mahirapan sa paghiwa nito.
8. Mas mabuti kung tahiin sa pamamagitan ng makapal na sinulid ang dulo ng manok.
9. Ilagay ang manok sa baking pan.
10. Gumamit ng pan na kasya ang buong manok.
11. Takpan ng aluminum foil.
12. Painitin ang hurno ng 350°F ng 10 minuto bago ilagay ang manok.
13. Lutuin ng 1 oras.
14. Malalamang luto na ang manok kapag ito’y tinusok ng toothpick at mapapansin tuyo na ang toothpick.
15. Palamigin bago hiwain.

Sarsa

1. Gumawa ng masarap na sarsa para sa chicken galantina buhat sa tulo ng pinaghurhuhan ng manok.
2. Maglagay ng 2 kutsarang kinudkod na keso at 1 kutsarang cornstarch na tinunaw sa tubig.
3. Lutuin sa mahinang apoy hanggang lumapot.
4. Halu-haluin.
5. Sa halip na ihurno ang manok, maaari rin itong pasingawan sa steamer ng 1 ½ oras.