Pagluluto:Tomato Florentine

Sangkap

10	piraso	malalaking kamatis
1	kilo	spinach, inalisan ng tangkay
2	kutsara	mantikilya
1	tasa	tinadtad na sibuyas
¼	kutsarita	asin
¼	kutsarita	paminta

Paraan ng pagluto

1. Putulin ang ibabaw ng mga kamatis.
2. Alisin ang laman nito ng hindi sinisira ang labas.
3. Pahiran ng kaunting mantikilya ang isang 13 x 9-inch na rectangular pan.
4. Iayos dito ang mga kamatis.
5. Hugasan ang mga dahon ng spinach at banlian sa inasnang tubig.
6. Hanguin at ihulog sa malamig na tubig.
7. Patuluin at pigain para matanggal ang sobrang tubig.
8. Tadtarin.
9. Painitin ang mantikilya at igisa ang sibuyas.
10. Isama ang spinach at timplahan.
11. Lutuin ng 2-3 minuto.
12. Ipalaman ito sa mga kamatis.
13. Takpan ng aluminum foil at isalang sa oven ng mga 10 minuto.
14. Kung mayroong tirang palaman, gilingin ito sa blender o food processor bago itabi sa freezer.