Pagluluto:Poached Eggs Benedict

Sangkap

2	tasa	tubig
1	kutsarita	suka
12	piraso	itlog
12	hiwa	tinustang tinapay
12	piraso	hiwang hamon, pinirito
¾	tasa	Hollandaise sauce

Para sa Hollandaise Sauce

1	tasa	mantikilya
4	piraso	pula ng itlog
1	kutsara	tubig
1	kutsara	katas ng lemon
½	kutasrita	asin
½	kutsarita	pamintang puti

Paraan ng pagluto

1. Ilagay ang tubig at suka sa kaserola.
2. Pakuluin at pagkatapos ay hinaan ang apoy.
3. Magbiyak ng isang itlog sa platito at dahan-dahang ihulog sa mainit na tubig.
4. Lutuin hanggang mabuo o lumutang.
5. Ahunin ng slotted spoon at patuluin ang sobrang tubig.
6. Ulitin ang ganitong pamamaraan para sa lahat ng itlog.
7. Magdagdag ng mainit na tubig kung kailanganin.
8. Maglagay ng isang hiwang ham sa bawat hiwa ng tinustang tinapay.
9. Ipatong ang nalutong itlog.
10. Paibabawan ng isang kutsarang Hollandaise sauce.
11. lhain ng mainit.

Para sa Hollandaise Sauce

1. Tunawin ang mantikilya.
2. Isantabi para humiwalay ang dilaw sa puting bahagi.
3. Isalin ang dilaw na bahagi sa isang lalagyan, ito ang tinatawag na clarified butter.
4. Itabi ang puting bahagi sa repridyerator para sa ibang pagluluto.
5. Ilagay ang pula ng itlog at tubig sa stainless na mangkok.
6. Ipatong ito sa kaserola na may kumulong tubig.
7. Batihin ng wire whisk hanggang fluffy at halos maluto na.
8. Alisin sa apoy at dahan-dahang ibuhos ang clarified butter hahang tuloy-tuloy na binabati.
9. Timplahan ng katas ng lemon, asin at paminta.