Pagluluto:Pinaupong Manok

Sangkap

1	buo	manok
2	buo	sibuyas
1	buo	bawang
4	piraso	luya, tig-isang pulgadang laki
6	butil	paminta
1	dahon	laurel
3	tasa	rock salt

Sarsa

1	kutsara	dinurog na luya
1	kutsara	dinikdik na bawng
½	tasa	mantika
½	kutsarita	asin

Paraan ng Pagluto

1. Balatan ang sibuyas, Tusukin ang mga butil ng bawang.
2. Kuskusan ang loob ng manok ng asin at ilagay sa loob ang sibuyas, bawang, luya,, butil ng paminta at lauel.
3. Kuskusan din ng asin ang balat ng manok.
4. Ilagay ang asin sa isang malaking kaserola at ayusin nang may 1 pulgadang kapal. Ilagay ang manok na nakasayad ang pitso sa asin.
5. Huwag ididikit ang manok sa gilid ng kaserola.
6. Takpan ang kaserola at lutuin nang 1 oras sa katamtamang init.
7. Huwag aalisn ang takip habang niluluto.
8. Kapag naluto na ang manok, tusukin ng malaking tinidor upang maiangat ang manok sa kaderong pinaglutuan.
9. Ingatang huwag masira ang buong manok.
10. Lagyan ng sarsa ang buong manok.

Paggawa ng sarsa

1. Igisa ang dinikdik na bawang at luya sa mantika.
2. Timplahan ng asin ayon sa panlasa.