Pagluluto:Pechay Guisado

Sangkap

½	kilo	pechay tagalog
2	kutsara	mantika
3	butil	bawang, tinadtad
1	piraso	maliit na sibuyas, tinadtad
1 ½	kutsarita	luya, tinadtad
½	kutsarita	paminta pantimpla
½	kutsarita	patis pantimpla
½	tasa	tubig o sabaw (ng baboy)

Paraan ng pagluto

1. Paghiwalayin ang tangkay at dahon ng pechay.
2. Hugasan at patuluin.
3. Putulin ng 1" ang haba.
4. Sa kawali, painitin ang mantika at igisa ang bawang, sibuyas at luya.
5. Idagdag ang tangkay ng pechay. Igisa ng 2 minuto.
6. Isama ang mga dahon.
7. Timplahan ayon sa panlasa.
8. Ibuhos ang tubig.
9. Pakuluan at lutuin hanggang lumambot ang gulay.