Pagluluto:Paupiette of Beef

Sangkap

1 ½	kilo	karne ng baka, hiniwang manipis sa 20 piraso
½	tasa	mustard
5	piraso	dill pickles, inapat ng pahaba
20	piraso	carrots na hiniwang pahaba
5	piraso	nilagang itlog, inapat ng pahaba
1	tasa	mantika
1	kutsara	mantikilya
1	tasa	tinadtad na sibuyas
1	tasa	tinadtad na carrots
1	tasa	tinadtad na celery
1	tasa	tinadtad na leeks
¼	tasa	tomato paste
½	tasa	red wine
4	tasa	brown sauce
4	tasa	brown stock
1	dahon	laurel
1	kutsara	pamintang buo, dinurog
1	kutsara	thyme

Paraan ng pagluto

1. Pukpukin ng mallet ang hawat hiwa ng karne hanggang numipis at lumapad.
2. Timplahan ng asin at paminta.
3. Pahiran ng mustard.
4. Sa bawat piraso ng karne, maglagay ng tig-iisang hiwa ng pickles, carrots at itlog.
5. Bilutin at isara ng toothpick.
6. Sa kawali, painitin ang mantika at mantikilya.
7. Papulahin ang binilot na karne.
8. Alisin at isantabi sa isang pinggan.
9. Sa natirang mantika, igisa ang sibuyas, carrots, celery at leeks.
10. Isama ang tomato paste.
11. Sangkutsahin.
12. Ibuhos ang red wine, brown sauce at brown stock.
13. Idagdag ang laurel, paminta at thyme.
14. Timplahan ng asin.
15. Pakuluin minsan at pagkatapos ay hinaan ang apoy.
16. Ilagay ang pinapulang karne.
17. Takpan at isalang hanggang lumambot ng husto ang karne.
18. Tanggalin ang mga toothpick bago ihain.