Pagluluto:Pansit Palabok

Sangkap

Pansit

8	tasa	tubig
1	tasa	toge
½	kilo	bihon, binabad sandali sa tubig

Sarsa

2	Bahaha	mantika
2	kutsara	atsuete
2	tasa	katas ng hipon
6	kutsara	arina
½	tasa	tubig
1	kutsarita	asin
1	kutsarita	paminta pantimpla

Palabok

1	tasa	nilagang karne ng baboy, hiniwang pahaba
2	piraso	tokwa, pinirito at hiniwang pakuwadrado
½	tasa	hinimay na tinapa
½	tasa	dinurog na sitsaron
2	piraso	itlog, nilaga at hiniwa
½	tasa	hipon, nilaga at binalatan
½	tasa	tinadtad na sibuyas na mura
1	kutsara	prinitong bawang
8	piraso	kalamansi

Paraan ng pagluto

Pansit

1. Mapakulo ng tubig sa kaserola.
2. Ilagay ang toge sa salaan at ipatong ang bihon.
3. Ilubog sa kumukulong tubig at hayaang lumambot.
4. Patuluin.
5. Isalin sa bandehado.

Sarsa

1. Sa isang kaserola, ipainit ang mantika kasama ng atsuete.
2. Lutuin hanggang pumutok ang mga buto at magkulay pula ang mantika.
3. Ibuhos ang katas ng hipon at pakuluin.
4. Itunaw ang arina sa tubig.
5. Ibuhos ang tinunaw na arina.
6. Hayaang kumulo at lumapot.
7. Timplahan ng asin at paminta ayon sa panlasa.

Paghahanda

1. Ibuhos ang sarsa sa ibabaw ng pansit.
2. Ilagay ang mga karne at tokwa sa ibabaw ng pansit.
3. Budburan ng tinapa at sitsaron.
4. Adornohan ang sibuyas na mura at bawang.
5. Ihaing may kasamang kalamansi.