Pagluluto:Pansit Molo

Sangkap

Palaman

¼	kilo	giniling na karne ng baboy
¼	kilo	hipon, tinadtad
1	piraso	maliit na singkamas, tinadtad na pino
1	piraso	maliit na carrots, tinadtad na pino
½	kutsarita	asin
½	kutsarita	paminta
1	piraso	itlog
1	pakete	molo wrapper

Sabaw

2	kutsara	mantika
3	butil	bawang, tinadtad
1	piraso	maliit na sibuyas, tinadtad
1	hiwa	pitso ng manok, nilaga at hinimay
3	hiwa	hamon, tinadtad
½	tasa	binalatang hipon
6	tasa	sabaw ng manok
¼	kutsarita	asin
¼	kutsarita	paminta
½	tasa	tinadtad na sibuyas na mura
½	tasa	piniritong bawang

Paraan ng pagluto

1. Paghaluin ang mga sangkap ng palaman maliban sa pambalot.
2. Maglagay ng kaunting palaman sa molo wrapper.
3. Bilutin at pagsalubungin ang dalawang dulo para sumara.
4. Itabi pansamantala.
5. Sa isang kaserola, painitin ang mantika at igisa ang bawang at sibuyas.
6. Isama ang manok, hamon at hipon.
7. Ibuhos ang sabaw.
8. Pakuluin at saka ihulog ang mga molo.
9. Timplahan ayon sa panlasa.
10. Pakuluin muli.
11. Paghain ay budburan ng sibuyas na mura at piniritong bawang.