Pagluluto:Pansit Luglog

Sangkap

½

kilo

bihon, sandaling binabad sa tubig para lumambot

Luglog Sauce

¼	tasa	atsuete, binabad sa
¼	tasa	tubig
2	tasa	katas ng hipon
6	kutsara	arina
½	tasa	tubig
¼	kutsarita	asin
¼	kutsarita	paminta

Pang-ibabaw

1	tasa	nilagang karne ng baboy, hiniwang pakuwadrado
2	piraso	piniritong tokwa, hiniwang pakuwadrado
½	tasa	hinimay na tinapa
½	tasa	dinurog na sitsaron
2	piraso	nilagang itlog, hiniwang pahaba
½	tasa	nilaga at binalatang hipon
½	tasa	tinadtad na sibuyas na mura
1	kutsara	piniritong bawang

Paraan ng pagluto

Paghanda ng Luglog Sauce

1. Salain mga binabad na atsuete.
2. Sa isang kaserola, pagsamahin ang tubig na may atsuete at katas ng hipon.
3. Tunawin ang arina sa tubig.
4. Idagdag sa lutuan.
5. Pakuluin hanggang lumapot.
6. Timplahan ayon sa panlasa.

Paghahanda ng bihon

1. Magpakulo ng tubig sa kaserola.
2. Ilagay ang bihon sa luglugan.
3. Ilubog sa kumukulong tubig hanggang maluto.
4. Patuluin at iayos sa bandehado.

Paghahanda ng Pang-ibabaw

1. Paibabawan ang bihon ng luglog sauce, karne ng baboy at tokwa.
2. Budburan ng tinapa at sitsaron.
3. Palamutian ng hiniwang nilagang itlog, hipon, sibuyas na mura at bawang.
4. Ihaing may kasamang kalamansi.