Pagluluto:Pansit Guisado

Sangkap

½	kilo	bihon, binabad sa tubig
2	tasa	chorizo de bilbao, prinito at hiniwa-hiwa
¼	tasa	baboy, hiniwa-hiwa at pinakuluan
⅓	tasa	hipon, hiniwa nang manipis
½	tasa	repolyo, ginayat
¼	tasa	baguio beans, hiniwa-hiwa
½	tasa	katas ng hipon
3	buo	nilagang itlog, hiniwa-hiwa
½	tasa	dahon ng sibuyas, tinadtad
2	ulo	bawang, pinitpit
1	buo	sibuyas, hiniwa-hiwa
2	kutsara	paminta
½	tasa	mantika

Paraan ng pagluto

1. Maari ring guamit ng tokwa dahil mahal ang karne... iprito ang tokwa hanngang maging golden brown.
2. Igisa ang bawang, sibuyas, kame, hipon at chorizo de bilbao sa isang kawali.
3. Idagdag ang mga gulay at pakuluan sa sabaw ng baboy at katas ng hipon.
4. Kapag kumulo na, timplahan ng toyo at paminta.
5. Idagdag ang pansit at lutuin hanggang matuyuan.
6. Palamutian ng dahon ng sibuyas, hiniwang itlog, at kalamansi.