Pagluluto:Maple Spareribs

Sangkap

½	tasa	sabaw ng baboy o manok
¾	tasa	maple syrup
¼	kutsarita	cayenne pepper
½	kutsara	dinikdik na bawang
2	kutsara	tomato paste
1 ½	kutsara	mustard
2	kutsara	katas ng lemon
½	kutsarita	asin
½	kutsarita	paminta
2 ½	kilo	tadyang ng baboy

Paraan ng pagluto

1. Painitin ang oven sa 400°F.
2. Paghaluin lahat ng mga sangkap maliban sa tadyang.
3. Haluing maigi.
4. Tanggalan ng sobrang taba ang tadyang at hatiin sa dalawa.
5. Iayos sa isang baking pan at isalang sa oven ng 30 minuto.
6. Ilabas mula sa oven at tanggalin ang pinagmantikaan.
7. Ibuhos ang pinaghalong sangkap sa tadyang.
8. Ibaba ang init ng oven sa 350°F.
9. Hayaang maluto ang tadyang.
10. Maya't-maya ay pahiran ng sarsa ang ibabaw ng mga tadyang.
11. Lutuin hanggang lumambot.