Pagluluto:Kekiam

Sangkap

½	tasa	giniling na karne ng baboy
½	tasa	tinadtad na bacon
½	tasa	tinadtad na hamon
½	tasa	carrots na hiniwang julienne
½	tasa	singkamas na hiniwang julienne
1	kutsara	tinadtad na bawang
1	kutsara	asukal na pula
1	kutsara	five-spice powder
1	kutsara	tinadtad na sibuyas na mura
2	kutsara	arina
2	piraso	itlog
2	kutsara	toyo
¼	kutsarita	asin
¼	kutsarita	paminta
		taupe o kekiam wrapper
¼	tasa	cornstarch na tinunaw sa
1	tasa	tubig
1	tasa	mantikang pamprito

Sawsawan

1	tasa	tubig o sabaw
2	kutsara	toyo
2	kutsara	asukal
1	kutsara	ketchup
3	piraso	siling labuyo, tinadtad
2	kutsara	cornstarch na tinunaw sa tubig

Paraan ng pagluto

1. Paghaluing maigi ang giniling, bacon, hamon, carrots, singkamas, bawang, asukal, five-spice powder, sibuyas na mura, arina, itlog, toyo at pantimplang asin at paminta.
2. Pantayin ang gilid ng taupe wrapper para maging kuwadrado.
3. Pahiran ng kaunting tinunaw na cornstarch.
4. Maglagay ng 2 kutsara ng pinaghalong sangkap.
5. Balutin na parang lumpia.
6. Pasingawan hanggang maluto.
7. Palamigin.
8. Pahiran ng kaunting mantika.
9. Iprito sa mainit na mantika hanggang lumutong.
10. Paghaluin sa maliit na kaserola ang tubig, toyo, asukal, ketchup at sili.
11. Pakuluin.
12. Palaputin ng tinunaw na cornstarch.
13. Timplahan ayon sa panlasa.
14. Hiwain ang kekiam ng palihis.
15. Ihain kasama ng sawsawan.