Pagluluto:Gingerbread Cookies

Sangkap

½	tasa	molasses, itim
¼	tasa	pulang asukal
¼	tasa	puting asukal
2	kutsarita	luya, pinatuyo at giniling
2	kutsarita	cinnamon
1	kutsarita	baking soda
¼	lb	unsalted butter
1	buo	itlog
3	tasa	arina

Sangkap para sa icing

1	tasa	puting asukal
1		itlog, inalisan ng pula
¼	kutsarita	katas ng lemon

Paraan ng pagluto

1. Pagsama-samahin sa kaldero ang molasses, pulang asukal, puting asukal, luya, at cinnamon at isalang sa may katamtamang init na apoy.
2. Kapag natunaw na ang asukal, ilagay ang baking soda.
3. Ipagpatuloy ang pagluluto sa katamtamang init hanggang magkaroon ng maliliit na bula ang niluluto.
4. Sa isang malaking lalagyan, paghaluin ang nilutong molasses at ang butter.
5. Haluin hanggang matunaw ang butter.
6. Dahan-dahang ihalo ang itlog.
7. Gumamit ng hand mixer at ihalo ang 1 tasa ng arina para maging masa.
8. Painitin ang oven hanggang 325°F.
9. Takpan ang gagamiting lutuang baking sheets ng parchment paper.
10. Lagyan ng arina ang mesa para sa masa ng ginger bread na may kapal na ¼ pulgada.
11. Gumamit ng hulmahan ng cookies para sa gustong korte.
12. Ilagay sa tinakpang baking sheets.
13. Ipasok sa oven at lutuin ng 15 hanggang 20 minuto o hanggang ang mga cookies ay may katamtamang tigas na.
14. Alisin ang cookies sa oven at hayaan ng 3 minuto sa baking sheets saka alisin at ilagay para palamigin sa wire racks.
15. Dekorasyunan ng icing.

Para sa icing

1. Haluin ang asukal, puti ng itlog, at katas ng lemon.
2. Batihing mabuti hanggang kumapal ang icing.

• Ang lutuan ay para sa 12 cookies. Kung may magagamit na double boiler gamitin ito para maihalo ang molasses sa asukal na pula, asukal, at cinnamon.