Pagluluto:Ginataang Mais

Sangkap

3	piraso	niyog, kinudkod
½	kilo	mais, binutil
12	tasa	mainit na tubig, hiwa-hiwalay na tasa
1 ¼	tasa	asukal
1	tasa	malagkit na bigas, hugasang mabuti
½	kilo	hiniwang langka
1	tasa	bigas, hugasang mabuti

Paraan ng pagluto

1. Pigain ang niyog upang makuha ang gata. Ito ang unang piga. Itabi.
2. Gawin ang pangalawang piga. Maglagay ng 4 na tasang mainit na tubig sa kinudkod na niyog at pigain.
3. Para sa ikatlong piga, ilagay ang natitirang mainit na tubig at pigain upang makakuha pa ng gata.
4. Pakuluan ang bigas at malagkit na bigas sa may ikatlong gata.
5. Kung ang bigas ay nasa kalahati na ng pagkakakulom ilagay ang mga butil ng mais at ang ikalawang gata.
6. Lutuin nang hinahalo.
7. Alisin sa apoy. Ilagay ang asukal, langka at kaunting gata mula sa unang piga.
8. Magtabi ng gata mula sa unang piga upang ilagay sa ibabaw ng bawat ihahain.