Pagluluto:Braised Beef Shanks

Sangkap

10	hiwa	beef shanks o biyas ng baka (¼ kilo ang bawat isa)
½	kutsarita	asin
½	kutsarita	paminta
½	kutsarita	paprika
¼	tasa	mantika
¼	tasa	mantikilya
½	tasa	tinadtad na sibuyas
½	tasa	tinadtad na carrot
½	tasa	tinadtad na celery
2	kutsara	tomato paste
½	tasa	red wine
2	tasa	brown sauce
4	tasa	sabaw ng baka
½	kutsara	dinurog na pamintang buo
1	piraso	dahon ng laurel
1	tasa	tinadtad na parsley
½	kutsara	mantikilya
½	kutsara	tinadtad na balat ng lemon
½	kutsarita	caraway seeds, tinadtad

Paraan ng pagluto

1. Timplahan ang biyas ng asin, paminta at paprika.
2. Papulahin sa mainit na mantika.
3. Isantabi.
4. Sa kaserola, painitin ang mantikilya at igisa ang sibuyas, carrot at celery.
5. Sangkutsahin bago idagdag ang tomato paste.
6. Lutuin ng 2 minuto.
7. Isama ang red wine, brown sauce at sabaw ng baka.
8. Pakuluin.
9. Timplahan at idagdag ang biyas at laurel.
10. Lutuin hanggang lumambot ang biyas.
11. Para sa Gremolata, Paghaluin ang mantikilya, tinadtad na balat ng lemon at caraway seeds.
12. Ihalo ito sa sarsa ng biyas.
13. Paibabawan ng parsley.