Pagluluto:Baked Fish in Soy Sauce

Sangkap

10	piraso	fish fillet (180 gramo ang bawat isa)
¼	kutsarita	asin
¼	kutsarita	paminta
10	piraso	kalamansi
⅔	tasa	mantikilya
½	tasa	hiniwang sibuyas
½	tasa	hiniwang julienne na carrot
½	tasa	hiniwang julienne na celery
½	tasa	nilinis na toge
½	tasa	ginayat na repolyo
½	tasa	hiniwang julienne na siling pula at berde
⅔	tasa	toyo
⅔	tasa	mainit na mantika
½	tasa	hiniwang leeks

Paraan ng pagluto

1. Painitin ang oven sa 400°F.
2. Timplahan ang mga isda ng asin, paminta at katas ng kalamansi.
3. Isantabi.
4. Pahiran ng kaunting mantika ang isang baking pan.
5. Iayos dito ang mga isda.
6. Paibabawan ang bawat hiwa ng isang kutsarang mantikilya.
7. Isalang sa oven ng 30 minuto o hanggang maluto.
8. Ilipat ang nalutong isda sa mga pinggan.
9. Paibabawan ng sibuyas, carrots, celery, toge, repolyo at sili.
10. Lagyan ng tig-iisang kutsarang toyo.
11. Bago ihain ay buhusan ng tig-iisang kutsarang mainit na mantika.
12. Paibabawan ng leeks.