Lunas Gamit ang Halamang Gamot at Haydroterapi/Paglanghap ng singaw

Paglanghap ng singaw

Pakahulugan

Ang paglanghap ng mainit-init at mamasa-masang hangin na pinapapasok sa mga uhog-uhog na lamad at lagusan ng hininga.

Pinahuhupa ang pamamaga at paninikip ng mga uhog-uhog na lamad ng gawing itaas na lagusan ng hininga.
Binabawasan ang pangangati ng lalamunan sa pamamagitan ng pagbasa sa hangin sa loob.
Pinaluluwag ang paglalabas at pagtatapon ng plema.
Pinahuhupa ang mahirap na paghinga.
Pinalulubay ang mga kalamnan at pinaglginhawa ang pag-ubo
Hinahadlangan ang panunuyo ng mga uhog-uhog na lamad.

Kumukulong tubig sa isang kaserolang may pinakabibig. Maaari ring gamiting pakuluan ang isang latang walang laman.
Anumang uri ng kalan na maaaring gamitin.
Vicks Vaporub, Tintura de Benzoin, o kaya ay Langis de Camphor para sa pakiramdam na may mabangong amoy.
Mga lumang diyaryo.
Payong.
Mga kumot.
Supot na papel.

Lagyan ng tubig ang kaserola o kaldero hanggang sa ilalim ng bibig nito, at pakuluin. Lagyan ang kumukulong tubig ng isang kutsaritang Benzoin o Vicks.
Ilapit nang maingat ang kalan na nakasalang ang kumukulong tubig sa kinalalagyan ng maysakit kung siva ay hindi makatayo ni makaupo man.
Para sa croup tent, maglagay ng bukas na payong sa tapat ng ulo at sukluban ito ng kumot upang makagawa ng isang tolda.
Sa pamamagitan ng mga diyaryo, gumawa ng matuwid na hugis tubo na daraanan ng singaw mula sa kumukulong tubig tungo sa tolda, na malayo sa mukha ng maysakit.
Kung ang maysakit ay nakakaupo, maaari siyang umupo sa tabi ng kalan sa kusina. Ang tuwid na hugis tuba na yari sa mga lumang diyaryo ay kanyang gagamitin sa paglanghap ng singaw.
Tagal ng paggagamot: mula sa 30 minuto hanggang 1 oras, sa umaga at sa gabi kung magagawa.

	1. Iwasan ang anumang panganib ng pagkapaso o sunog kaya.	2. Iwasan ang ihip ng malamig na hangin. Isara ang lahat ng mga bintana na malapit sa pasyente.	3. Kailangan ang ibayong pag-iingat sa mga pasyenteng di-mapalagay at mga bata upang huwag silang mabanlian.