Pumunta sa nilalaman

Lunas Gamit ang Halamang Gamot at Haydroterapi/Pomentasyon

Mula Wikibooks

Pakahulugan[baguhin]

Paglalapat ng mamasa-masang init sa isang bahagi ng katawan sa pamamagitan ng damit na nilublob sa kumukulong tubig o tangkeng pasingawan (steam tank) at piniliplt upang maalis ang tubig.

Mga Nagagawa[baguhin]

  • Pinalalakas ang daloy ng dugo sa isang bahagi ng katawan. * Pinarerelaks ang mga kalamnan.
  • May epektong nakapagpapaginhawa kung ilalapat sa gulugod
  • Pinahuhupa ang kirot
  • Pinalulubay ang pamimitlg o pulikat
  • Binabawasan ang paninikip.
  • Nakapagpapapawis.

Mga Bagay na Kailangan[baguhin]

  • Mga 5 tuwalyang pangligo.
  • Isang maliit na palangganang tubig na may yelo.
  • Labakara o bimpo (face towel) para pampomento.
  • Isang kumot na pantakip sa pasyente.
  • Isang kaserolang pakuluan ng tubig.

Paraan[baguhin]

  1. Hubarin ang damit ng pasyente at takpan ng kumot.
  2. Magkaroon ng tubig na may yelo sa isang maliit na palanggana. at pampomento sa tabi ng higaan ng maysakit.
  3. Isara ang mga bintana na malapit sa maysakit upang maiwasan ang ihip ng hangin.
  4. Takpan ng isang tuwalya ang bahaging gagamutin.
  5. Hawakan ang magkabilang dulo ng Isa pang tuwalya at itubog sa kumukulong tubig. Pilipiting mabuti upang maalis ang tubig.
  6. Maglatag ng isang tuyong tuwalya sa mesa at balutin ang tuwalyang binasa ng kumukulong tubig.
  7. Ipatong ito sa ibabaw ng tuwalyang nakatakip sa bahaging gagamutin.
  8. Lagyan ng malamig na pamento ang ulo ng pasyente. Palitan ito nang 3 ulit sa panahong ginagawa ang pomentasyon.
  9. Ulitin nang 3 beses ang pomentasyon, na tinutuyong mabilis ang bahaging ginagamot sa mga pagitan ng pag-uulit. Palitan ang pomentasyon tuwing 5 minuto o hanggang ito'y maging maligamgam. Huwag hintaying lumamig ang tuwalya bago ito palitan.
  10. Ihanda agad ang mainit na tuwalyang ipapalit bago alisin ang nagamit na.
  11. Pagkatapos ng huling pomentasyon, kuskusin agad ang bahaging ginamot ng labakara o bimpo na piniga pagkatapos basaing mabuti ng tubig na may yelo.
  12. Tuyuing mabuti ang pasyente. Punasan o kaya ay paliguan ng maligamgam kung nais.
  13. Papagpahingahin.

Pag-iingat[baguhin]

 
1.   Pag-ingatang mabuti ang mabutong bahagi ng katawan at mga bagong pilat. Maligamgam na pomentasyon lamang ang itinatagubilin sa mga pasyenteng payat.

2.   Sa mga malubhang kirot, ang pomentasyon ay dapat na maging kasing-init ng matitiis na hindi napapaso ang pasyente.
3.   Kung ang pomentasyon ay lubhang mainit, doblehin ang tuwalyang sapin sa ilalim ng mainit na tuwalya.
4.   Iwasang ginawin ang maysakit. Kung ang mga paa ay malamig balutin ito ng mainit na pomento. Ingatang huwag mapaso ang mga sakong at daliri.
5.   Ingatang mabuti ang mga pasyenteng may dayabetes, ang mga walang malay (unconscious), mga bata at matatanda. Madali silang mapaso. Gumamit ng pomentasyong may katamtamang init.