Noli Me Tangere/Kabanata 11 : Ang mga Makapangyarihan

Mula sa Wikibooks
Jump to navigation Jump to search

Bagamat Don Rafael, ang tawag sa ama ni Ibarra. Hindi siya ang kinikilalang makapangyarihan kahit na siya ang pinakamayaman. Pero,siya ay iginagalang at halos lahat ng mga tao ay mayroong pagkakautang sa kanya. Sa kabila ng kabusilakan ng kanyang damdamin, siya ay kinalaban ng magkaroon ng usapin at ni wala pa ngang kumampi.

Si Kapitan Tiyago man, kahit na masalapi at sinasalubong ng banda ng musiko at hinahainan ng masasarap na pagkain kapag nagpupunta sa bayan. Kapag siya ay nakatalikod, siya ay tinatawag na Sakristan Tiyago.

Ang Kapitan sa bayan ay hindi rin kabilang sa mga tinatawag na casique o makapangyarihan. Ang kanyang puwesto ay nabili niya sa halagang P5,000. Madalas siyang sabunin at kagalitan ng Alkalde Mayor.

Ang San Diego ay maihahalintulad sa Roma at Italya sa mahigpit na pag-aagawan sa kapangyarihan pamunuan ng bayan. Ang mga ito ay sina Pare Bemardo Salvi, isang payat at batang Pransiskano at siyang pumalit kay Padre Damaso. Payat siya sapagkat mahilig siyang mag-ayuno. Kung ihahambing siya kay Pari Damaso, siya ay mabait at maingat sa tungkulin. Si Pari Salvi at ang Alperes at ang kanyang asawa na si Donya Consolacion, isang Pilipina na mahilig maglagay ng mga kolorete sa mukha. Ang Alperes ang puno ng mga guwardiya sibil. Ang pagkakapangasawa niya ay binubunton niya sa pamamagitan ng paglalasing, pag-uutos sa mga sundalo na magsanay sa init ng araw o dili kaya ay sinasaktan ang kanyang eposa.


Bagama’t may hidwaan ang Alperes at Pari Salvi kapag sila ay nagkikita ay pareho silang nagpaplastikan. Sila ay nagbabatian sa harap ng maraming tao at parang walang anumang namamagitan di pagkakaunawaan. Pero, kapag hindi na magkaharap gumagawa sila ng kani-kanilang mga paraan para makapaghiganti sa isa’t-isa.

Ang Alperes at Pari Salvi ang tunay na makapangyarihan sa San Diego. Ang tawag sa kanila ay mga casique.

Tauhan[baguhin]

  1. Padre Bernardo Salvi - batang pransiskanong pumalit kay Padre Damaso at may lihim na pagtingin kay Maria Clara
  2. Ang mga Kura - isa rin sa mga makapangyarihan sa bayan ng San diego. Maihahalintulad sila sa Santo Papa na nasa Vatican.
  3. Ang Alperes - pumapangalawa sa Kura sa pinakamakapangyarihan sa San Diego. Nagkaasawa ng isang Pilipina, si Donya Consolacion, na mahilig maglagay ng kolorete sa mukha. Maihahalintulad siya sa Hari ng Italya ang namumuno sa Kirinal.
  4. Kapitan o goberadorcilio - bagamat pinuno ng bayan, siya ang makapangyarihan. Bagamat masalapi siya ibinibilang na makapangyarihan.
  5. Alkalde mayor - inuutos lang sa kanya ang mga dapat gawin ng tunay na naghahari sa San Diego. nagbayad lamang siya ng dos para makuha ang posisyon.
  6. Don Rafael Ibarra - ama ni Crisostomo. Bagamat pinakamayaman sa buong lalawigan, hindi siya kinikilala na makapangyarihan.