Tagalog/Pantukoy

Mula sa Wikibooks

Mga nilalaman 1 Uri ng Pantukoy 1.1 Ang, Ang mga 1.2 Si, Sina 1.3 Ng, mga, Ni, Nina, Kay, Kina, Sa, Sa mga 2 Wastong Gamit ng Pantukoy

Ang Pantukoy ay ang katagang ginamit sa pagpapakilala sa pangngalan. Ito ay tinatawag na Article sa wikang Ingles.

[baguhin] Uri ng Pantukoy

[baguhin] Ang, Ang mga

Ito ay ang pantukoy sa ngalan ng bagay, lunan o pangyayari.

Halimbawa:

Ang kotse ni Raul ay maganda.

[baguhin] Si, Sina

Ito ay mga pantukoy ukol sa ngalan ng tao.

Halimbawa:

Si Jose Rizal ang ating pambansang bayani.

Sina Rizal at Bonifacio ay magigiting na mga bayani.

[baguhin] Ng, mga, Ni, Nina, Kay, Kina, Sa, Sa mga

Ito ay tumutukoy sa mga tao o bagay na nagmamay-ari ng alinmang bagay.

Halimbawa:

Kay Maria ko ibibigay ang mga rosas na ito.

Sa mga lilipat, mag-ingat po sa dadaanang tulay.

[baguhin] Wastong Gamit ng Pantukoy

• Kapag isahan ang pangngalan, ang pantukoy ay dapat pang-isahan din.

Halimbawa:

Si Jose Rizal ang sumulat ng Noli Me Tangere.

• Kung maramihan ang simuno, ang pantukoy ay dapat pangmaramihan din.

Halimbawa:

Ang mga niluto ni Nene ay para kina Juan at Pedro.

• Ang pangngalang pambalana na isahan ay nangangailangan ng pantukoy na isahan at pambalana.

Halimbawa:

Ang magandang relo ay suot ni Walter.

• Kung ang pangngalang pambalana ay pangmarami, ang pantukoy ay pangmaramihan din.

Halimbawa:

Ang mga tulip sa Ottawa ay tulad ng mga nasa Holland.

• Maaaring gumamit ng dalawang pantukoy kung ang ikalawa'y umuuri sa unang pangngalan.

Halimbawa:

Ang mga Katipunero ang nagtatag ng katipunan.