Relyenong Bangus

Mula sa Wikibooks
Jump to navigation Jump to search

Sangkap[baguhin]

1 buo malaking bangus, nilinis at kinaliskisan
2 kutsara toyo
2 piraso kalamansi, kinatasan
2 kutsara mantika
2 kutsarita dinikdik na bawang
1 piraso sibuyas, tinadtad
½ tasa tinadtad na kamatis
½ tasa tinadtad na carrot
½ tasa tinadtad na siling berde
1 kutsarita asin
¼ kutsarita paminta
1 kutsarita liquid seasoning
¼ tasa pasas
2 hiwa hamon, tinadtad
1 piraso itlog
2 kutsara arina
½ tasa mantika pamprito

Paraan ng pagluto[baguhin]

  1. Bahagyang pukpukin ang bangus para humiwalay ang balat sa laman.
  2. Baliin ang malaking buto sa may ulo at buntot.
  3. Isiksik ang hawakan ng sandok mula sa ulo hanggang sa buntot. Alisin.
  4. Dahan-dahang pisilin ang isda mula sa buntot para maalis ang laman na sa ulo lamang dumadaan. Sa ganitong paraan maiiwang buo ang balat ng bangus.
  5. Ibabad ang balat ng bangus sa toyo at kalamansi.
  6. Itabi.
  7. Ilaga ang naalis na laman ng bangus para maluto.
  8. Alisan ng tinik at himayin.
  9. Sa kawali, painitin ang mantika at igisa ang bawang, sibuyas at kamatis.
  10. Idagdag ang hinimay na isda, carrot at siling berde.
  11. Timplahan.
  12. Isama ang pasas at hamon.
  13. Isalin sa pinggan at bahagyang palamigin.
  14. Ihalo ang itlog at arina.
  15. Ipalaman sa bangus.
  16. Siksiking mabuti para mabuo uli ang isda.
  17. Ibalot sa nilantang dahon ng saging o aluminum foil.
  18. Iprito o ihurno hanggang maluto.
  19. Palamigin bago hiwain.