Pinaupong Manok

Mula sa Wikibooks
Jump to navigation Jump to search

Sangkap[baguhin]

1 buo manok
2 buo sibuyas
1 buo bawang
4 piraso luya, tig-isang pulgadang laki
6 butil paminta
1 dahon laurel
3 tasa rock salt

Sarsa[baguhin]

1 kutsara dinurog na luya
1 kutsara dinikdik na bawang
½ tasa mantika
½ kutsarita asin

Paraan ng Pagluto[baguhin]

  1. Balatan ang sibuyas, Tusukin ang mga butil ng bawang.
  2. Kuskusan ang loob ng manok ng asin at ilagay sa loob ang sibuyas, bawang, luya, butil ng paminta at laurel.
  3. Kuskusan din ng asin ang balat ng manok.
  4. Ilagay ang asin sa isang malaking kaserola at ayusin nang may 1 pulgadang kapal. Ilagay ang manok na nakasayad ang pitso sa asin.
  5. Huwag ididikit ang manok sa gilid ng kaserola.
  6. Takpan ang kaserola at lutuin nang 1 oras sa katamtamang init.
  7. Huwag aalisin ang takip habang niluluto.
  8. Kapag naluto na ang manok, tusukin ng malaking tinidor upang maiangat ang manok sa kaderong pinaglutuan.
  9. Ingatang huwag masira ang buong manok.
  10. Lagyan ng sarsa ang buong manok.

Paggawa ng sarsa[baguhin]

  1. Igisa ang dinikdik na bawang at luya sa mantika.
  2. Timplahan ng asin ayon sa panlasa.

Ipahid sa manok pagkaluto