Pansit Luglog

Mula sa Wikibooks
Jump to navigation Jump to search


Sangkap[baguhin]

½ kilo bihon, sandaling binabad sa tubig para lumambot

Luglog Sauce[baguhin]

¼ tasa atsuete, binabad sa
¼ tasa tubig
2 tasa katas ng hipon
6 kutsara arina
½ tasa tubig
¼ kutsarita asin
¼ kutsarita paminta

Pang-ibabaw[baguhin]

1 tasa nilagang karne ng baboy, hiniwang pakuwadrado
2 piraso piniritong tokwa, hiniwang pakuwadrado
½ tasa hinimay na tinapa
½ tasa dinurog na sitsaron
2 piraso nilagang itlog, hiniwang pahaba
½ tasa nilaga at binalatang hipon
½ tasa tinadtad na sibuyas na mura
1 kutsara piniritong bawang

Paraan ng pagluto[baguhin]

Paghanda ng Luglog Sauce[baguhin]

  1. Salain mga binabad na atsuete.
  2. Sa isang kaserola, pagsamahin ang tubig na may atsuete at katas ng hipon.
  3. Tunawin ang arina sa tubig.
  4. Idagdag sa lutuan.
  5. Pakuluin hanggang lumapot.
  6. Timplahan ayon sa panlasa.

Paghahanda ng bihon[baguhin]

  1. Magpakulo ng tubig sa kaserola.
  2. Ilagay ang bihon sa luglugan.
  3. Ilubog sa kumukulong tubig hanggang maluto.
  4. Patuluin at iayos sa bandehado.

Paghahanda ng Pang-ibabaw[baguhin]

  1. Paibabawan ang bihon ng luglog sauce, karne ng baboy at tokwa.
  2. Budburan ng tinapa at sitsaron.
  3. Palamutian ng hiniwang nilagang itlog, hipon, sibuyas na mura at bawang.
  4. Ihaing may kasamang kalamansi.