Tagalog/Panghalip

Ang Panghalip ay ang salitang panghahalili o pamalit sa pangngalan. Ito ay tinatawag na Pronoun sa wikang Ingles.

Uri ng Panghalip

Panao

Ito ay ginagamit na panghalili sa pangalan ng tao.

Panauhan	Isahan	Dalawahan	Maramihan
Una	ako, ko, akin, kata	kita, amin, natin, atin	tayo, kami, naming, atin
Ikalawa	iyo, mo, ka, ikaw	kayo, inyo, ninyo	kayo, inyo, ninyo
Ikatlo	kaniya, siya, niya	nila, sila, kanila	nila, sila, kanila

Kung saan ang:

• Unang Panauhan — tumutukoy sa tagapagsalita.
• Ikalawang Panauhan — tumutukoy sa kinakausap.
• Ikatlong Panauhan — tumutukoy sa pinag-uusapan.

Pamatlig

Ito ay ginagamit sa pagtukoy ng tao, bagay o lunan

Kinalalagyan	Paturol	Paari	Patulad	Pahimaton
Malapit sa nagsasalita	ito, dito	nito	ganito	eto, heto
Malapit sa kausap	iyan	niyan	ganyan	hayan, ayan
Malayo sa kausap	iyon	niyon	ganoon	hayan, ayan

Pananong

Ito ay ang panghalip na ginagamit sa pagtatanong.

ano, alin, sino, saan, anu-ano, sinu-sino

Panaklaw

Ito ay nagsasaad ng dami o kalahatan.

anuman, kaninuman, lahat, bawat-isa, alinman, sinuman, pulos, madla, iba

Kaukulang Panghalip

Palagyo

Ito ay kapag ginagamit ang panghalip bilang simuno.

Panauhan	Una	Ikalawa	Ikatlo
Unang Panauhan	ako	kata	kami
Ikalawang Panauhan	ka	ikaw	kayo
Ikatlong Panauhan	siya	sila

Halimbawa:

Ako ang magluluto.

Ikaw ang magluluto.

Siya ang magluluto.

Paari

Ito ay nagsasaad ng pag-aari ng isang bagay. Ito ay pauna (kung nauna sa inaari) o pahuli (huli sa inaari).

Unang Panauhan	akin, ko, amin, atin, naming, natin
Ikalawang Panauhan	mo, iyo, ninyo, inyo
Ikatlong Panauhan	niya, kaniya, nila, kanila

Halimbawa:

(Pauna) Ang inyong damit ay nalabhan na.

(Pahuli) Ang damit mo ay nalabhan na.

Palayon

Ito ay ginagamit bilang layon ng pang-ukol at sumusunod sa pandiwang nasa tinig ng balintiyak.

Halimbawa:

Si Jenny ay nakasakay ko.

Tinapon nila ang basura.

Mga Gamit ng Panghalip

Simuno o Paksa ng pangungusap

Halimbawa:

Ikaw ay magaling.

Ang mga damit na ito ay para sa iyo.

Panaguri ng Pangungusap

Halimbawa:

Ang pera ay kanya.

Ang bola ay kanila.

Panuring Pangngalan

Halimbawa:

Ang ganiyang tatak ng relo ay maganda.

Ginagamit bilang Pantawag

Halimbawa:

Ikaw, umalis ka na.

Kayo, hindi ba kayo sasama?

Bilang Kaganapang Simuno

Halimbawa:

Tayo ay kakain na.

Iyan ang gagawin mo.

Bilang Layon ng Pang-ukol

Halimbawa:

Nagluluto si Diane para sa inyo.

Para sa kanila ito.

Tagaganap ng Pandiwa sa Balintiyak na Ayos

Halimbawa:

Inabutan niya sila ng pagkain.

Ang relo na binili mo ay maganda.