Tagalog/Palatuldikan at Diin

Mula sa Wikibooks

Mga nilalaman 1 Mga Uri ng Salita ayon sa Diin 1.1 Salitang Malumay 1.2 Salitang Malumi 1.3 Salitang Mabilis 1.4 Salitang Maragsa

[baguhin] Mga Uri ng Salita ayon sa Diin

[baguhin] Salitang Malumay

Ito ay binibigkas nang banayad na may diin sa ikalawang pantig mula sa huli. Ito ay hindi tinutuldikan. Ang mga salitang ito ay maaaring magtapos sa patinig o katinig.

Halimbawa:

lipunan,    ligaya,    larawan,    tao,    silangan

[baguhin] Salitang Malumi

Ito ay binibigkas ng banayad tulad ng malumay na may diin sa ikalawang pantig mula sa huli. Ito ay tinutuldikan ng paiwa (‘) sa ibabaw ng huling patinig. Nagtatapos sa patinig.Ito rin ay may impit sa dulo.

Halimbawa:

diwa,    lahi,    dalamhati,    dakila,    balita

[baguhin] Salitang Mabilis

Ito ay binibigkas ng tuluy-tuloy na maluwag sa lalamunan. Ang diin ay nasa huling pantig. Ito ay nilalagyan ng tuldik na pahilis (’) na itinatapat sa huling patinig.

Halimbawa:

tigmak,    batubato,    bulaklak,    alagad,    bumili

[baguhin] Salitang Maragsa

Ito ay binibigkas nang tuluy-tuloy na ang huling pantig ng salita ay may impit. Laging nagtatapos sa patinig. Tinutuldikan ng pakopya (^) na itinatatapat sa huling patinig ng salita.Ito rin ay may impit sa dulo.

Halimbawa:

yugto,    dugo,    butiki,    maralita,    kaliwa