Lunas Gamit ang Halamang Gamot at Haydroterapi/Malamig na pomento

Mula Wikibooks

Pakahulugan[baguhin]

Isang damit na piniga mula sa malamig o may yelong tubig na mailalapat sa alinmang bahaging ibabaw ng katawan.

Mga Nagagawa[baguhin]

  • Pinahuhupa ang kirot dahil sa pamamaga (edema) o biglang kapinsalaan (trauma).
  • Hinahadlangan at pinahuhupa ang paninikip sa ulo.
  • Pinababagal ang tibok ng puso kung ilalapat sa tapat nito.
  • Pinaninikip ang daluyan ng dugo na binabawasan ang daloy ng dugo sa lugar na may kapansanan.
  • Binabawasan ang pagkakataon na magdugo dahil sa pagkahapit ng daluyan.

Mga Bagay na Kailangan[baguhin]

  • Banyerang paliguan. Para sa mga sanggol maaaring gumamit ng malaking palanggana.
  • Malaking dram o plastik na sisidlan ng tubig para sa matatanda, may sapat na laki upang ilubog ang buong katawan.
  • Dalawang basong gawgaw para sa matatanda; ½ baso naman sa mga bata at sanggol.
  • Tuwalyang pangligo.
  • Labakara o bimpo.

Paraan[baguhin]

  1. Punuin ng maligamgam na tubig hanggang ⅔ ng banyera. Ang tubig ay dapat na may sapat na lalim upang mailubog ang mga bahaging apektado. Gumamit ng banyerang paliguan kung apektado ang buong katawan.
  2. Tunawin ang gawgaw sa malamig na tubig sa isang maliit na palanggana. Ihalo itong mabuti sa banyera ng tubig.
  3. Hubaran ang pasyente at tulungan siyang lumusong sa banyera.
  4. Gamitin ang labakara sa pagpapaligo sa mga bahaging hindi nakalubog. Basain ang ulo o buhok kung ang anit ay apektado. IIubog ang pasyente nang hanggang 20 minuto; huwag siyang kuskusin ng tuwalya.
  5. Pagkaraan ng 20 minuto, alisin ang tubig at dampi-dampiang patuyuin ng tuwalya ang maysakit. Huwag banlawan ang gawgaw. Huwag gumamit ng sabon maging sa paghuhugas ng mga kamay, maliban kung itinagubilin ng manggagamot ang isang tiyak na sabon.
  6. Panatilihing naiinitan ang pasyente at huwag bayaang ginawin.
  7. Paliguan nang minsan o dalawang beses araw-araw ang pasyente, ayon sa kanyang kalagayan.