Lunas sa mga namamagang gilagid at bibig

Ang mga namamagang gilagid o stomatitis ay pamamaga ng mga malalambot na tisyu ng bibig.

Paggamot ng Tubig

• Magmumog ng tubig na may asin, 3 beses maghapon bago kumain. (Paraan)
• Masahihin ng mga malilinis na daliri ang mga gilagid pagkatapos magmumog.
• Magsepilyo ng ngipin pagkatapos kumain. Gumamit ng malambot na sepilyo.
• Uminom ng 4 na basong katas ng prutas sa buong maghapon.
• Patingnan sa dentista ang mga namamagang gilagld at sa doktor ang impeksyon ng bibig.

Paggamot ng Halaman

Bayabas

	Pakuluan ng 10 minuto ang isang base ng tinadtad na dahong sariwa sa 2 basong tubig. Salain at palamigin.
	Gamiting pang-mumog o panglinis ng bibig tuwing matapos kumain.

Bunga

	Balatan ang 3 bunga. Dikdikin at pakuluan ng 10 minuto sa 2 basong tubig.
	Gamiting pang-mumog o panglinis ng bibig.

Kaymito

	Pakuluan ng 10 minuto sa 2 basong tubig ang isang tasa ng tinadtad na sariwang dahon.
	Gamiting pang-mumog.

Duhat

	Pakuluan ng 10 minuto ang tinadtad na 10 sariwang dahon sa 2 basong tubig.
	Gamiting pang-mumog o panlinis ng bibig.

Talong

	Pakuluan ng 10 minuto ang tinadtad na 10 sariwang dahon sa 2 basong tubig.
	Gamiting pang-mumog o panlinis ng bibig.