Lunas sa masakit na lalamunan

Ang sakit ng lalamunan ay pagbabara o pamamaga nito na bunga ng tonsilitis, pharyngitis o laryngitis.

Paggamot ng Tubig

• Magmumog ng mainit na tubig na may asin, 3 ulit maghapon bago kumain ng agahan, tanghalian, at bago matulog sa gabi. (Paraan)
• Maglagay ng nagpapainit na pomento sa pagtulog sa buong magdamag Ulltin sa umaga kung ang pasyente ay mananatili sa tahanan. (Paraan)
• Lumanghap ng pasingaw, 2 ulit maghapon — isa sa umaga bago kumain at bago matulog sa gabi.
• Kung maaari, ipahinga ang boses hanggang ang pamamaga ay mapawi.

Pagmumog ng makabagong gamot tulad ng BACTIDOL

• Maglagay ng kaunting bactidol sa bibig,medyo kalahati ng bibig at mumugin ito ng 30 segundo.
• Gawin ito ng dalawang beses sa isang araw. Isa sa umaga at isa sa gabi bago matulog.
• Para lamang ito sa 12 yrs. old pataas ang bactidol.

Paggamot ng Halaman

Luya

• Hugasan at balatan ang isang pirasong luya.
• Ngatngatin ito nang dahan-dahan. Lunukin ang katas o kaya ay mag-iwan ng maliit na piraso sa bibig at nguyain ito nang unti-unti.o kaya magpakulo ng luyang dilaw para gawing tea,inumin ito ng tatlong beses sa isang araw

Sabila

• Maghugas ng dahon at putul-putulin ng tig-iisang pulgada ang laki.
• Maglagay ng isa sa bibig sa buong maghapon at lunukin ang katas. Palitan kung wala ng katas.

Bawang

• Maghugas ng isang piraso at balatan.
• Ilagay sa bibig at panatilihin ng ilang sandali. Nguyain nang dahan-dahan at lunukin ang katas.