Lunas sa almoranas

Ang almoranas ay iba't ibang kaayusan ng mga namamagang ugat sa tumbong.

Paggamot ng Tubig na May Kasamang Halamang Gamot

• Mainit na paligo sa pigi, 2 ulit maghapon. (Paraan)
• Gumamit ng alin man sa mga sumusunod na dahon ng halaman na isasama sa tubig na gagamitin.

Kamyas

	Pakuluan ng 10 minuto ang 3 tasa ng tinadtad na sariwang dahon sa 2 galong tubig. Salain.
	Gamitin Itong paligo sa pigi.

Patola

	Hugasan at tadtarin ang 20 dahon at pakuluan ng 10 minuto sa 2 galong tubig Salain.
	Gamitin itong paligo sa pigi.

Paggamot ng Halaman

Ampalaya

	Maghugas at magtadtad ng mga ugat, bunga, at buto. Kumuha ng ½ tasa nito at katasin, Haluan ng 2 kutsarang langis ang katas.
	Basain ang bulak ng pinaghalong katas at langis at ipahid sa almoranas pagkatapos ng paligo.