Dinuguan

Mula sa Wikibooks
Tumalon sa: paglilibot, paghahanap
Dinuguan.jpg

Sangkap[baguhin]

1 kilo lamang loob ng baboy, hiniwang malaki kapag malambot na
1 piraso tenga ng baboy, hiniwang ayos sa laki kapag malambot na
1 buo bawang, pinipit ay ginayat
1 buo sibuyas, hiniwang manipis
3 buo kamatis, hiniwang maliliit
1 tasa dugo ng baboy
2 piraso sili (turo)
½ tasa suka
½ kutsarita asin
1 kusarita oregano
2 kutsarita patis

Paraan ng pagluto[baguhin]

  1. Linisin ang mga laman-loob at tenga ng baboy at pakuluan nang ilang sandali sa kaunting tubig. Hanguin at hiwa-hiwalayin nang may kaliitan.
  2. Igisa ang bawang, sibuyas at kamatis.
  3. Isunod ang hiniwang laman-loob.
  4. Timplahan ng patis.
  5. Hayaang kumulo nang ilang sandali bago isama ang 2 tasa ng pinakuluang sabaw ng baboy.
  6. Takpan at pakuluin.
  7. Isama ang oregano.
  8. Ihulog ang dugo at haluing dahan-dahan.
  9. Kung minsan maalat ang dugo kaya't tikman kung ayos ang alat at dagdagan ng asin kung kinakailangan.
  10. Haluhaluin habang hindi pa kumukulo upang hindi makurta o magbuo-buo ang dugo.
  11. Kapag maluwat nang kumukulo ang sabaw na may dugo ay saka timplahan ng suka.
  12. Huwag naman haluin hanggang hindi kumukulo.
  13. Ibabaw ang mga sili at patayin ang apoy.