Bopis

Mula sa Wikibooks

[baguhin] Sangkap

1	kilo	baga at puso ng baboy
2	piraso	sibuyas
4	piraso	kamatis
2	piraso	siling pula, tinadtad
3	butil	bawang
¾	tasa	suka
½	kutsarita	asin
½	kutsarita	pamintang durog
2	tasa	tubig

[baguhin] Paraan ng pagluto

1. Pakuluan nang ilang sandali sa tubig ang baga.
2. Hugasan at tadtarin nang pino.
3. Tadtarin din nang maliliit ang puso ng baboy.
4. Hiwang panggisa ang gawin sa sibuyas at kamatis.
5. Pitpitin ang bawang.
6. Papulahin sa mantikang kumukulo ang bawang.
7. Isunod ang sibuyas at kamatis.
8. Ihulog nang magkasabay ang baga at puso.
9. Sabawan ng 1 tasang tubig.
10. Timplahan ng asin at pamintang durog.
11. Takpan at hayaang kumulo.
12. Kapag natuyuan ng sabaw, lagyan ng 1 tasang tubig at suka.
13. Huwag hahaluin. Takpan at hayaang kumulo.
14. Isama ang tinadtad na siling pula.
15. Hintayin matuyuan ng sabaw bago hanguin.